Transcription
1Mon frère, à ce que ie voy par la dernière lettre que
2ma escripte monsieur du Van votre secretayre, le
3comandement et voulontté du roy et de la royne,
4ny vos recomandations, ny la peinne que tous vos
5amys et servitteurs hont prise pour moy, nont peu
6avoyr tant de credit en vers messieurs de
7Grenoble, quil mayent voullu traicter daultre
8façon que cellon lacoustumée rigueur de la quelle
9il usent en vers tout le monde. Et puys que ainssy
10est, ne demeurons pas en si beau chemin et me
11donnés de si bonnes lettres pour tous vos amys que ie
12face ungne si bonne expedition en France que nous
13ayons ungne iussion quil les face tayre. Car sy ie
14y deusse retourner moy mesmes, ie lauré à leurs
15barbe. Ce pandant, ie vous suplie bravés tousiours
16pour moy et faictes cellon la fiance que votre
17seur a en lamour qui vous lui porttés, et me tenés
18en votre bonne grace très humblement recommandée,
19et mon mary aussi vous baise les mains. De
20Thurin, ce 6e de mars
21Votre humble et obeyssante seur
22A.de Monlitard